【斷捨離】
隧道全長3.5公里，身為隧道老頂，要喺最後大直路400米嗰陣離開，我知道，這一點也不容易。
或者我用女人嘅角度打個譬如，十月懷胎，當bb整裝待發，準備調頭之際，阿媽要將個胎拱手相讓俾另外一個女人生出嚟。曾經汗流浹背，駝住個肚上落樓梯，又為咗肚裡面個b唔聽話踢來踢去而連續48小時不眠不休去收服佢；萬眾期待的一刻，竟然阿b一擘大眼第一個見到嘅唔係自己而係另有其人。
喺上一條隧道我親證到意佬望住個隧道機挖到最後一米，一部直徑超過17米嘅隧道機好似個巨型bb咁從地底探出頭來。眾人都拍爛手掌，工程嘅最高領導人都親自過嚟同意佬握手恭喜佢個b出世。意佬眼泛淚光，同呢個巨b對望咗半日，彷彿想同佢講：「你終於都出世喇，我總算放下心頭大石。我功成身退，你以後要乖乖造福市民喇~」
人生總要經歷起跌，無常。
今日意佬要喺一手湊大嘅隧道巨B性命同自己身邊人嘅安危之間作出選擇，尤其係個b真係好快就要出世。呢種難受同無助，我明，我絕對明。
斷捨離，有時候要學懂接受失去，先更可領略擁有的美。人生就是不斷重複取捨和選擇，今日，我們又上了人生寶貴的一課。
Photo : 上一個隧道B出世的一刻
#男人之痛
#斷捨離
#面對疫境
#寶貴的一課
#人生的抉擇
#出走埃及記2
#無論你嘅決定如何我都會陪你過
#陪著你走
Search